© Utdanningsnytt
DEBATT
Korte videoer
Ytringsfrihet:
Hør podkastene våre her
Føreslår kutt på 46 millionar i grunnskulen i Harstad
Kommunedirektøren og økonomisjefen i Harstad legg opp til store kutt for å styrkje helse og omsorg.
Publisert
Sist oppdatert
Administrasjonen i Harstad kommune føreslår å auke budsjettet for helse og omsorg med 81 millionar kroner for å dekkje auka lønns- og driftsutgifter.
For å finansiere dette må kommunen spare inn på andre område, og det vert føreslått å kutte 46 millionar kroner i grunnskulen. Det skriv NRK.
Kutta inneber at politikarane må vurdere skulestrukturen på nytt, noko som ifølgje administrasjonen betyr færre skular. Viss ikkje dette vert gjort, må kutta takast på andre tenesteområde.
Samstundes åtvarar økonomisjef John Rørnes om at kommunen må bremse investeringsnivået framover. Harstad planlegg å investere 390 millionar kroner neste år, der 267 millionar kroner må lånast til prosjekt som nytt byggetrinn på Bergsodden sjukeheim, ny brannstasjon og heildags omsorgsbustader.
– Vi må bremse alt anna så mykje som mogeleg, seier Rørnes.
