Rapportering til GSI
Grunnskolens informasjonssystem opnar offisielt for registrering av data frå skular og kommunar for inneverande skuleår i dag.
Skulane har frist til 15. oktober for å ferdigstille registreringa. Tilsvarande frist for kommunane er 23. Oktober. Skoleeigar får passord av Fylkesmannen og det er Fylkesmannen er ansvarleg for oppfølging av private, fylkeskommunale og statlege skolar som ligg geografisk innafor fylket. Fylkesmannen er også ansvarleg for oppfølging av kommunane, melder GSI si nettside.
Einingar som administrativt ligg under kommunane, kulturskolar, vaksenopplæring og private SFO, er kommunen sitt ansvar.
Det er viktig med god kvalitet på alle data som vert lagde inn. GSI dannar grunnlag for offisiell statistikk, mellom anna i KOSTRA.
Data frå GSI er også ei viktig kjelde til informasjon som dagleg vert brukt av fylkesmennene, Utdanningsdirektoratet og Kunnskapsdepartementet. Data frå GSI er eit viktig grunnlag i arbeidet med statsbudsjettet, stortingsdokument og andre offentlege dokument innan grunnskule og vaksenopplæring på grunnskulen sitt område.
I tillegg vert data frå GSI brukt til i å utarbeide offisiell statistikk frå Statistisk sentralbyrå (SSB). Førebels statistikk frå innsamlinga som startar no, vil bli publisert av SSB i Dagens statistikk i desember 2009.
