Hjetland på streikevakt i Portveien barnehage

Streiken ved Portveien barnehage fortsetter etter at meklingen sist fredag ikke førte fram. Lederen i Utdanningsforbundet sa i sin appell at forbundet vil fortsette kampen mot eierne av Portveien barnehage.
 
Barnehagen har vært blokkert av Utdanningsforbundet siden streiken startet 20. januar i år. Tre ganger har Riksmeklingsmannen innkalt til meklingsmøter uten at det har lyktes partene å komme fram til en avtale om ordnede lønns- og arbeidsvilkår for de ansatte.
 
- Under det siste meklingsmøtet ble det klart at det var en mulighet for å enes om økonomiske forhold. Men det var et ufravikelig krav fra eier at disse forholdene ikke skulle nedfelles i en tariffavtale, men være underlagt arbeidsgivers styringsrett. Det ville bety at arbeidsgiver står fritt til å endre vilkårene fra dag til dag, sa Hjetland.
 
Hjetland benyttet anledningen til å takke de to streikende førskolelærene ved Portveien, Unni Ljøstad og Tove Falck, for deres innsats.
 
Forhandlingssjef i Utdanningsforbundet, Ole Petter Blindheim, sier i en kommentar at forbundet vil vurdere hvordan streiken skal håndteres videre.
- Utdanningsforbundet mener det foregår streikebryteri av verste slag, sier han.
 
Hjetlands appell
"Unni og Tove, medlemer av Utdanningsforbundet og sympatisørar
 
Vi står no samla framfor Portveien barnehage, som er i ferd med å gå inn i fagforeiningshistoria vår. Frå og med 20. januar har det vore streik og blokade i barnehagen.
 
Vi har gjennom desse 230 dagane møtt til mekling hos krinsmeklingsmannen tre gonger. Meklinga har kvar gong vore utan resultat. Men i denne perioden har vi opplevd at eigaren har endre argumentasjonen for kvifor han ikkje vil gå med på kravet vårt om tariffavtale og pensjonsording.
 
Den første tida var det dårleg økonomi og det at selskapet ikkje hadde råd, som var grunngjevinga. Den var også grunngjevinga for å seie opp den tariffavtalen vi hadde hausten 2001. Då påstod selskapet at dei ikkje hadde råd til å opprette den pensjonsordninga vi tidlegare hadde avtalt.
 
Gjennom streikeperioden har vilkåra for dei andre tilsette i barnehagen betra seg. Det fekk lønnstillegg både 1. mai og 1. august i år. Vidare har selskapet no oppretta ei innskotsbasert pensjonsording for dei tilsette, noko av det som var grunnlaget for at eigaren sa opp tariffavtalen i 2002.
 
Dei andre tilsette har no ei lønn som i det store og heile kunne vore utgangspunkt for ein tariffavtale. På same måten ville det vore mogeleg å byggje vidare på den pensjonsordninga som no er innført i barnehagen.
 
Økonomien til barnehagen er god, så god at barnehagen ikkje finn det nødvendig å ta imot kommunalt tilskot, noko som ytterlegare ville ha betra økonomien. Statstilskotet har i tillegg auka med 33 % frå 1. august i år. Enda betre råd vil eigaren få i 2004. Då vil dei nye tilskotsordningane Stortinget har vedteke, føre til ein ny kraftig auke i tilskota.
 
I 2002 var Glenn Rasmussen majoritetseigar med 1020 av 1700 aksjar. Av årsrekneskapen for dette året går det fram at styret fann å kunne auke godtgjeringa til dagleg leiar Glenn Rasmussen med 106 000 kroner.
 
Vi registrerer at dette var viktigare enn å inngå avtale om ordna lønns- og arbeidsvilkår for dei tilsette.
 
Under det siste meklingsmøtet vart det klart at vi kanskje ville kunna bli samde om dei økonomiske vilkåra. Men det var eit ufråvikeleg krav frå eigaren at desse vilkåra ikkje skulle nedfellast i ein tariffavtale, men liggje under styringsretten til arbeidsgjevaren. Konkret vil det seie at dei tilsette står heilt utan tryggleik, og arbeidsgjevar einsidig kan endre vilkåra opp eller ned nærmast frå dag til dag.
 
Då ville vi vore i same situasjonen som vi var i før den første tariffavtale med eigaren vart inngått i 2000, ein uakseptabel situasjon både for oss og for alle andre fagforeiningar.
 
Portveien barnehage blir i dag driven som barnehage gjennom regelrett streikebryteri. Eigaren har tilsett to nye personar i førskulelærarstillingar. Verksemder som held drifta i gang gjennom streikebryteri, har gjennom alle tider vorte blokkerte av fagorganiserte, og samfunnet har alltid sett på streikebryteri som moralsk forkasteleg.
 
Portveien barnehage kan i dag behalde godkjenninga si som barnehage fordi det skjer streikebryteri!
 
Grimstad kommune, som i vår gjorde vedtak om at tariffavtale var ein føresetnad for å få kommunal stønad, har i sommar gitt dispensasjon frå kravet om førskulelærarutdanning for å fylle ei ledig førskulelærarstilling. Det var ingen førskulelærarar som ville ha den blokkerte stillinga, derfor måtte barnehagen ha dispensasjon frå utdanningskravet og fekk det - av Grimstad kommune.
 
Vi vonar at dette var ein rein glipp, for med denne dispensasjonen har kommunen vore med på å leggje til rette for tilsetjing i stilling som er blokkert av ein lovleg streik.
 
Dette er mellom dei forholda Utdanningsforbundet no vil følgje opp juridisk.
 
Heller ikkje denne gongen førte meklinga fram, men vi vil halde fram kampen mot eigarane av Portveien barnehage. Korleis og med kva tyngd dette skal gjerast, vil vi diskutere dei næraste dagane.
 
Eg har likevel eit sterkt behov, når vi no står utanfor barnehagen, for å takke alle dykk som har stilt opp i dag, og som har stilt opp mange gonger før, for å synleggjere den konflikten vi er i. Ein konflikt som ikkje berre gjeld Portveien barnehage, men alle dei private barnehageeigarane som enno ikkje har sett behovet for å gi dei tilsette ordna lønns- og arbeidsforhold.
 
Her i Grimstad gjeld det Portveien. På landsbasis har Unni og Tove vore med på å gi denne kampen - både den konkrete og prinsipielle - eit ansikt og dermed truverd.
 
Ei rekkje sentrale politikarar bør no - etter den tredje resultatlause meklinga i ein barnehage som blir halden i live gjennom streikebryteri - innsjå at barnehagelova bør ha dei same formuleringane som Stortinget alt har vedteke i friskulelova.  Pedagogane i private verksemder skal ha likeverdige lønns- og  arbeidsvilkår med dei som gjeld i dei offentlege barnehagane.
 
Unni og Tove. Takk for innsatsen så langt - saman vil vi kjempe vidare!"