Grannen felte tre i barnehagen

Pedagogisk leiar Agnete Vold seier til Utdanning at barnehagen ikkje hadde hørt eit ord om at trea skulle vere til sjenanse for grannen. Ho avviser ikkje at det hadde vore muleg å lage eit kompromiss, som til dømes å toppe trea, om barnehagen hadde fått vete kva som var problemet.
 
- Kvar einaste dag leikte ungane i trea. Dei klatra der, og dei hadde hytte inne i villnisset, fortel ho.
 
Trea tok dessutan godt av for nordavinden. Fleire av trea var lind, som ikkje er vanleg i Sogn.
 
Foreldra i barnehagen har kravd å få utlevert veden for å selje han. Dei er så sinte at dei ikkje orkar tanken på at hoggaren skal sitje med den fordelen også. I brev til kommunen har dei og kravd erstatning for trea.
 
- Kommunen har lova oss klatreapparat og å plante nye tre. Meir kan vi ikkje gjere. Men vi forstår ikkje korleis noen kan få løyve til å hogge tre inne i barnehagen utan at vi får seie eit einaste ord, seier Agnete Vold.