Utdanningsforbundets reiseforsikring

Eg og mannen min opplevde at bagasjen vår vart utlevert til feil person på Kystbussen mellom Stord og Bergen 31.08.04. Me fekk den ikkje tilbake før etter at me var heime att. Me føler oss lurt av Vesta forsikring fordi underteikna var i kontakt med representantar for selskapet på telefon 04040 og lokal representant på Stord.
 
Då fekk eg signaler om at selskapet dekka opp til 2500 kroner per person dersom bagasjen var meir enn fire timar forseinka. Fekk melding om korleis me skulle gjera for å få kjøpt nødvendige klede og toalettsaker på Geilo laurdag ettermiddag.
 
Me føler oss lurt fordi me seinare fekk avslag på skadesaka. Vi har fått melding om at henvendelsen min ikkje er registrert og at ingen har lova meg noko!
 
Leif Olav Mjelde lova meg skriftleg melding om korleis eg kunne forholda meg om eg kom i ein liknande situasjon, telefon 20.11.04. Har framleis ikkje fått svar på det. Eg er ikkje fornøgd, som kunde hos Vesta , via Utdanningsforbundet.
 
Kan ikkje ha reiseforsikring der eg ikkje får rett informasjon når eg ringer tre ulike stader. Eg veit framleis ikkje kor eg kan ringa om eg treng melda skade eller spørja om råd i ei skadesak utanom kontortida.
 
Ingen informasjon hadde vore betre enn denne feilinformasjonen. Den kosta meg 5000 kroner. Hadde handla ansleis om eg ikkje hadde fått denne feilinformasjonen. Eg har inntrykk av at dette blant anna dreiar seg om ulikt syn på saka i salgsavdelingen og skadesaksavdelingen hos Vesta?
 
Eg vart kontakta av Vesta om å kjøpa forsikring der på grunn av avtalen mellom dei og Utdanningsforbundet. Nå føler eg meg skikkeleg lurt og svært dårleg behandla! 5000 kroner er ein god del pengar for oss! Dette synest eg Utdanningsforbundet skal vera orientert om.