Plakatkunst frå mellomkrigstida
28. februar opna Nasjonalbiblioteket utstillinga Propaganda! Russiske og norske plakatar 1920-1939.
Fleire av dei russiske plakatane, som er utlånte frå Russlands nasjonalbibliotek i St. Petersburg, har aldri blitt vist i Noreg før. Plakaten som kunstform stod svært sterkt i Russland i åra etter revolusjonen i 1917, og var eit viktig massemedium for styresmaktene.
Utstillinga viser òg døme på norske plakatar frå arbeidarrørsla, som var tydelig påverka av dei sovjetiske plakatane.
Utstillinga vert hengande i Nasjonalbiblioteket fram til 25. mai og blir deretter vist på Hå gamle prestegard på Jæren 8. juni – 25. august, ifylgje ei pressemelding frå Nasjonalbiblioteket.
