Rektor i Florø om klimastreiken: – Vi set pris på at elevane engasjerer seg

– Skulen er i gang med å førebu seg til innføring av nye læreplanar som skal gjelde frå august 2020. Eit sentralt område i den nye læreplanen er berekraftig utvikling, skriv rektor Kari Vårdal på skulens heimeside.

• Alle våre saker fra streiken finner du her

Ho lar heile skulen, elevar, lærarar og fagarbeidarar få delta på eit felles opplegg i samband med at Natur og Ungdom arrangerer ein landsomfattande streik i dag. Streiken skal markere at ungdom ber politikarane om å ta miljøproblema meir på alvor.

Deltaking på arrangementet etter oppsett plan vil bli definert som skuleaktivitet, og ikkje medføre fråvær, skriv rektor.

Skulen har planlagt at elevane møter i sine klassar med sine lærarar og fagarbeidarar for å førebu deltaking i klimaaksjonen. Her blir det informasjon, skriving av appellar og laging av plakatar.

• Se bildene fra klimastreiken

Elevane går saman med sine lærarar og fagarbeidarar til torget der sjølve arrangementet/streiken skal gå føre seg. Etter å ha deltatt skal alle møte til 5. time. Her skal elevane sine erfaringar frå deltaking, og engasjementet for berekraftig utvikling skal summerast opp i den enkelte klasse.

I eit brev til foreldra skriv rektor at dersom elevar skal delta utover oppsettet skulen har planlagt, må foreldre søkje permisjon for eleven. Då vil eleven få gyldig fråvær.

• Frå streiken: «Ola kan du redde Jorda?»

Elevar på Florø skule kan delta med foreldre

Elevar på Florø skule, med barn frå 1. til 7. trinn, kan delta i klimaaksjonen.

På denne skulen blir det å delta i klimastreiken sett på som ei førebuing til å ta i bruk nye læreplanar der «berekraftig utvikling» og «demokrati om medborgarskap» er tema.

I eit informasjonsbrev til foreldra skriv rektor Marianne Nødset: - Vi ser positivt på at barn og unge engasjerer seg og ønskjer å bidra til ei samfunnsendring.

• Venter 20.000 streikende elever til klimaprotest i dag

Rektor skriv at det er venta at ei stor folkemengde samlar seg på torget 22. mars. Då er det naudsynt at elevar frå 5 til 12 år har tett tilsyn av vaksne.

Føresette på 1. til 6. trinn som ønskjer at deira barn skal delta i felles klimamarkering på torget, er bedne om å hente barna på skulen 9.30. Kontaktlærar må meldast på førehand.

Elevar på 7. trinn deltar saman med kontaktlærarane sine.

• Send oss gjerne et bilde eller to! tips@utdanningsnytt.no

Elev på vidaregåande skal ikkje delta

Ida Martine Brendø (17), elev på Flora vidaregåande skule, kjem ikkje til å møte på torget for å streike. Ho er med i Unge Høgre og kritisk til aksjonsforma, skriv Firdaposten.

Som medelevane er ho oppteken av den dårlege stoda til klimaet. Men ho meiner ein må bruke heilt andre verkemiddel enn å streike:

- Ungdomsengasjement er noko av det flottaste som finst, men vi må gjere meir enn å skulke skulen for å stå på torget og rope, seier ho til avisa.

Ina er nestleiar i Ungdommens bystyre (UB) der ho representerer Unge Høgre.