Mimi Bjerkestrand leiar Følgjegruppa
Følgjegruppa for ny barnehagelærarutdanning blei oppnemnd av departementet i fjor med Mimi Bjerkestrand, tidlegare leiar av Utdanningsforbundet, som leiar. Gruppa fungerer fram til juni 2017; da blir det første BLU-kullet uteksaminert.
Mimi Bjerkestrand, no rektor i Bergen, har leia arbeidet med den ferske rapporten «Frå førskulelærar til barnehagelærar – Den nye barnehagelærarutdanninga – Muleigheiter og utfordringar» på oppdrag frå KD. Rapporten er Rapport nr. 1/2014 frå BLU – Følgjegruppe for barnehagelærarutdanning.
Med seg har Bjerkestrand Jo Fiske, direktør for oppvekst og utdanning i Asker kommune; Leif Hernes, professor ved Høgskolen i Oslo og Akershus; Ingrid Pramling Samuelsson, professor ved Göteborgs universitet; Sigrun Sand, dosent ved Høgskolen i Hedmark; Birte Simonsen, dekan ved Universitetet i Agder; Bjarne Stenersen, barnehagestyrar i Tromsø; Marianne Storjord, fagleiar for barnehageseksjonen i Sametinget; og Robert Ullmann, dagleg leiar av Barnehagestiftelsen Kanvas.
Fagleg sekretariat for Følgjegruppa er lærarar ved Høgskolen i Bergen, med senterleiar Tom Are Trippestad som prosjektleiar og førsteamanuensis Svein Ole Sataøen som fagleg leiar.
