Elevar streika
Måndag streika halvparten av elevane ved Rjukan vidaregående skole etter påstandar om at ein lærar skal ha vore ute av stand til å undervise.
I ein e-post til rektor skriv elevrådet at elevar har opplevd at læraren ikkje har vore i stand til å undervise, ifølgje Telemarkavisa. Etter elevane si oppfatting var læraren ruspåverka.
Elevrådsleiar Sandra Yeomans seier til Dagbladet at elevrådet fleire gonger har sagt ifrå til skuleleiinga om uakseptable hendingar utan å ha vorte høyrde. Ho understrekar at streiken er retta mot leiinga ved skulen, ikkje læraren.
Ifølgje rektor Olav Tov Røysland har ikkje læraren vore rusa. Han lovar at dialogen med elevrådet skal verte tettare i framtida.
