Ill.foto: Mostphotos
Fleire vel yrkesfag
I fjor valde 46 prosent av vidaregåandeelevane yrkesfag, opp frå 44 prosent året før.
Yrkesfaga har hatt vekst eller stabilitet i
elevtalet av førsteklassingar dei første tre åra etter fagfornyinga, slår Utdanningsdirektoratet
fast i ei ny evaluering.
Unntaket er helse-
og oppvekstfag, der det har vore ein liten nedgang.
Vanskeleg i distrikta
Også i andre året er elevtala stabile. Men evalueringa
peiker likevel på problem som kan gjere det vanskeleg å halde oppe elevtalet i
distrikta på dette klassetrinnet. Fleire nye fagområde har gitt fleire små fagområde.
Det kan gjere det vanskeleg å halde oppe eit desentralisert tilbod, fordi
elevtalet blir for lågt på små skolar.
Høge forventningar
Eit fleirtal av lærarane som har svart på spørsmål
i evalueringa, meiner endringane som er gjort har bidratt til høge forventningar
om kva elevane skal kunne etter vg2. Samstundes er det fleirtal blant lærarane
for å slutte opp om at det er god samanhang mellom kjerneelement, kompetansemål
og orverordna del av læreplanen.
Over halvparten av elevane som svarte på spørsmål
knytt til undersøkinga, svarte at den faglege fordjupinga har gjort dei meir motiverte
til å fullføre opplæringa.