Språkrådet vil ha språk-kommisjon
Årsmøtet i Norsk språkråd ber Kultur- og kyrkjedepartementet setje ned ein brei språk-kommisjon for å sjå på alle sider ved språkutviklinga i Noreg, ikkje berre norsk språk.
Ein språk-kommisjon bør ikkje berre
ta for seg dei to norske språkformene - bokmål og
nynorsk, men òg sjå på forholda for samisk og andre
minoritetsspråk i landet, meiner årsmøtet.
Språkråd-årsmøtet ønskjer dessutan at alle
språk som blir snakka og skrivne i Noreg skal omhandlast av
ein slik kommisjon, slik at vi kan få vite meir om situasjonen
for dei framandspråklege.
- Noreg bør ha ein nasjonal språkpolitikk. Det bør
vere like sjølvsagt som at vi til dømes har ein
utdanningspolitikk og ein forsvarspolitikk, sa Ola Haugen,
avtroppande leiar i Norsk språkråd og
skolebokdirektør i Cappelen. Det er no meir enn 30 år
sidan sist det var ein grundig gjennomgang av vilkåra for
norsk språk, med den såkalla Vogt-komiteen som førte
til at Norsk språkråd vart oppretta.